1895 оны 11 сарын 27-нд Нобель өөрийн бичсэн гэрээслэлээ нийтэд зарлан бүх хөрөнгөөрөө утга учир бүхий шагналын санг үүсгэх болсон тухайгаа зарлажээ. 350 гаруй лецензийн эрхийг эзэмшигч, том жижиг 90 гаруй үйлдвэрийн удирддаг Нобель ийм шийдвэр гаргахад сонины нэгэн өгүүлэл хүчтэй нөлөөлсөн гэдэг.
Гэрээслэлээ нийтэд зарлахаас 7 жилийн өмнө буюу 1888 онд Алпред Нобелийн төрсөн ах Лүдвик Нобель Францийн Канд нас эцэслэжээ. Гэтэл нэгэн сонин ах дүү хоёрыг андууран Алпред Нобелийг нас барсан хэмээн ойлгож "Үхлийн бизнесмэнийн үхэл" хэмээх өгүүлэл хэвлэжээ. Энэ өгүүлэлийг олж уншсан Нобель маш хүнд шоконд оров. Бүхий л амьдралынхаа туршид ганцаараа амьдарсан ч чамгүй амжилттай амьдарч байгаа бизнесмэн хэмээн бодож явтал хүмүүс намайг нас барсаны дараа "үхлийн бизнесмэн" гэдгээс илүүгээр дурсан санахгүй юм гэж үү бодох тусам "би хүмүүст юу гэж дурсагдах вэ" гэдэг бодлоос салахаа больжээ. Ингэж бодсоор 7 жилийн дараа "Үхлийн бизнесмэн" бус "хүн төрөлхтөнд гавъяа байгуулсан хамгийн үнэ цэнэтэй шагнал"-ыг бий болгохоор шийдэн шагналын санд өөрийн бүх хөрөнгөө өгчээ.
Хүн гэдэг хэзээ нэгэнт цагт үхэх нь тодорхой. Амьд байхдаа бидний өөрөөсөө асуун бодож амьдрах асуулт яалтгүй намайг үхсэний дараа хүмүүс юу гэж дурсан санах бол. Намайг хэн гэж, юу гэж дурсан санаасай гэдгийг нэг удаа ч болов бодож үзэх хэрэгтэй мэт.
No comments:
Post a Comment